APRIL 26, 2008 MI CLASS '64 REUNION
CLICK HERE TO VIEW MORE PICTURES/PHOTOS TAKEN DURING THE REUNION

CLICK THIS LINK TO VIEW THE APRIL 26, 2008 REUNION:

(SCROLL DOWN FOR LATEST PHOTOS OF MI'64 ACTIVITIES)

CLASS MESSAGES
from MI Class '64 President
Elmer Sta. Ana

Paki-usap ni Sotera na mag-contribute raw ako ng article. Article? Eh, ang alam ko lang na article e yung “the”, “a”, “an”. Di ko nga alam pa kung alin doon yong indefinite at definite. Ang ibig daw niyang sabihin ay isang tutoong kwento.

Nagsasala-gunting yung isip ko…..

Kung ang isusulat ko ay tungkol sa nakaraan, marami. Gusto n’yo bang mabasa yaong tungkol sa pagbibinata? Yung bang lumigaw, nabasted, lumigaw uli, nabasted uli. Nagka-girlfriend, pero hindi nagtagal. Kasi ayaw pahalik sa lips. Tinamad manligaw. Sumama na lamang sa progresibong samahan. Umuwing pasa-pasa ang katawan, kasi pinagpapalo ng mga Metrocom sa isang rally. Nakulong at nakatakas sa Camp Panopio. Nawalan ng gana lumaon. Nagtrabaho na lamang at nag-aral sa gabi. Ginawang istambayan ang bilyaran kasi nahandoon ang barkada. Ginawa ring istambayan ang library kasi maganda ang student assistant ng librarian. Naging girlfriend pero umayaw si babae. Madalas kasing nauutangan ng pamasahe at pambili ng yosi. (Buhay pa kaya si Manong? May utang pa akong tatlong sticks ng Salem roon , tanda ko.) Nakatapos nang pag-aaral sa awa’t panalangin ni Nanay na lumalakad pa nang paluhod sa Quiapo tuwing “finals” namin. Naiyak nga nuong graduation namin. Parang ayoko nang bulatlatin pa ang nakaraan. Tapos na yon kasi.

Kung tungkol naman sa kasalukuyan, ano ang ibabalita ko sa inyo? Yung bang taas ng cholesterol, kasobrahan ng sugar, yung over/over ng blood pressure,o yung rayuma (pag mayaman ka ang tawag roon ay arthritis). Huwag na lang yon.

Kung tungkol naman sa hinaharap, parang mahirap tanggapin na nalalapit na ang ating pakikipanayam kay “Lord”. Parang ayoko rin ng topic na ito.

Iku-kwento ko na lamang sa inyo yung mga bagay na bumabagabag sa isip ko noong tayo’y na M. I. pa. Alam n’yo bang nito lamang nakaraang buwan ko nalaman na kaya pala amoy suman si Enrico noon ay dahil pag pina-plantsa nang Inang n’ya ang kanyang shorts na khaki ay pinapatungan muna nang dahon ng saging? Hindi rin nagtatagal pa nang malaman kong kaya pala ang peyrents ng isang nating kaklase’y hindi naging “outstanding parents” ay dahil nahuli siya ni Miss Roberto na
nag-kokodigo. Nalaman ko rin kamakailan na itong klasmeyt na ito ay hindi nag-susuot ng “briefs”. Yumuko kasi, lumabas yung isang bahagi ng suot-panloob nakita ko ang tatak- “So-En”. May bumulong naman sa akin na noon day “Jrs. & Srs. Prom” isinayaw raw ang isa nating ka-section. Hinalikan raw niya sa kaliwang tainga. Nagalit raw ito kasi hindi na niya inulit pa. Isa pa- meron rin tayong ka-batch na may crush sa isa rin nating ka-batch. Hanggang ngayon raw naiisip pa niya. Nakita niya sa meeting natin sa farm ni Tata Ruping. Ayaw na raw niya. Kasi para raw upright freezer and katawan ngayon.

Ang hindi ko rin talaga ma-solve hanggang ngayon ay kung ano ang sekreto ng giniling ni Aling Elang.

Ganire pala ang nadarama kapag nagkakalayo kayo ng iyong mga kababata sa loob ng napakatagal na panahon. Nag-no-nostalgia trip ka. Bakit kasi tumatanda pa ang tao?

Sana habang panahon tayong bata- nagtutuksuhan, nagbibiruan, natatampisaw sa baha, nagpapalipad nang saranggola, binubuwisit ang mga girls, pinagtataguan ang mga titsers, nang-uumit nang kendi sa tindahan nila Mr. Pilongo.

Taon-taon sana’y magkikita-kita tayong muli upang gunitain ang nakaraan, pag-usapang ang kasalukuyan at sama-samang ipagdasal na harinawa’y mag-iwan tayo nang magagandang ala-ala sa ating mga iiwan.

ELMER S.D. STA. ANA
Class President
M.I. Batch ‘64
2006 Nov 21

PICTORIALS

JANUARY/FEBRUARY 2008 BIRTHDAY CELEBRANTS
027/17/08 AND 01/13/08

GROUP '64 CHRISTMAS PARTY
12/16/07

OCTOBER BIRTHDAY CELEBRANTS
10/28/07

MI Class 64 had a mini-reunion in Las Vegas, Nevada on March 29-30, 2007.  Attending were Sotera Bernabe Santiago (Philippines), Lucila Cruz Balana (Ohio), Lolita Legacion de la Cruz (Michigan), Estrellita Lascano Punzalan (California), and Eddie Vicente (California).  Joining spouses were:  Rick de la Cruz, Eric Punzalan, and Lourdes Vicente.  Please contact Estrellita Lascano Punzalan (415) 297-9271 Cell, or litapunz@comcast.net to plan the next reunion in the U.S.  Thanks again, Lita CLICK THE PHOTO TO VIEW ENLARGED VERSION THEN HIT YOUR BROWSER'S BACK BUTTON TO GET BACK TO THIS PAGE.